„Það er okkur sönn ánægja að tilkynna í dag gekk knattspyrnudeildin frá þriggja ára samningi við fjóra unga og efnilega leikmenn hjá Fjölni," segir í tilkynningu frá Grafarvogsfélaginu.

Þetta eru þeir Halldór Snær Georgsson (f. 2004), Daníel Smári Sigurðsson (f. 2003), Dagur Ingi Axelsson (f. 2002) og Guðmundur Búason (f. 2004).

Enginn þeirra hefur spilað keppnisleik í meistaraflokki, það er að segja annað hvort í bikarkeppni eða í Íslandsmóti.

„Við óskum þeim öllum til hamingju og hlökkum til að fylgjast með þeim í framtíðinni," segir einnig í tilkynningu Fjölnis.