Þór/KA er svo gott sem búið að tryggja sér sigur í Kjarnafæðismóti kvenna. Liðið átti ekki í vandræðum með sameiginlegt lið Fjarðabyggðar, Hattar og Leiknis Fáskrúðsfjarðar í dag.

Leikið var í Boganum á Akureyri og skoraði Arna Sif Ásgrímsdóttir fyrsta mark leiksins á 18. mínútu. Staðan var 1-0 þegar flautað var til hálfleiks.

Snemma í seinni hálfleiknum skoraði Ísfold Marý Sigtryggsdóttir annað mark Þórs/KA. Á 70. mínútu skoraði Karen María Sigurgeirsdóttir fjórða markið og bætti Hulda Ósk Jónsdóttir við fjórða markinu áður en flautað var til leiksloka.

Lokatölur 4-0 og er Þór/KA með fullt hús stiga eftir níu leiki. Markatalan hjá liðinu er 17:0. Þór/KA á eftir að spila við Tindastól í síðasta leik sínum í mótinu.

Fjarðab/Höttur/Leiknir er með þrjú stig eftir þrjá leiki. Eini sigur liðsins til þessa kom gegn Tindastóli.

Völsungur er eina liðið sem á tæknilega séð möguleika á að ná Þór/KA, en markatalan gerir Húsvíkingum ótrúlega erfitt fyrir. Völsungur er með 0 í markatölu, en Þór/KA eins og áður segir með +17. Því er Þór/KA svo gott sem búið að vinna mótið.

Markaskorarar af Facebook-síðu Þórs/KA og Hamrana.