banner
   sun 02. febrúar 2020 22:15
Guðmundur Aðalsteinn Ásgeirsson
Kjarnafæðismótið: Dalvík/Reynir með sigur á KA 2
Dalvík/Reynir hafði betur gegn KA 2.
Dalvík/Reynir hafði betur gegn KA 2.
Mynd: Fótbolti.net - Hafliði Breiðfjörð
KA 2 1 - 2 Dalvík/Reynir
0-1 Númi Kárason
0-2 Jón Heiðar Magnússon
1-2 Sveinn Margeir Hauksson

Dalvík/Reynir lagði KA 2 að velli þegar liðin mættust í Boganum á Akureyri í A-deild í Kjarnafæðismótinu í dag.

Númi Kárason braut ísinn fyrir Dalvík/Reyni rétt fyrir leikhlé og bætti Jón Heiðar Magnússon við öðru marki áður en dómarinn flautaði til hálfleiks.

Sveinn Margeir Hauksson, fyrrum leikmaður Dalvíkur/Reynis, skoraði fyrir KA 2 þegar um stundarfjórðungur var liðinn af seinni hálfleiknum. Lengra komst KA 2 hins vegar ekki.

Lokatölur 2-1 fyrir Dalvík/Reyni sem er með 11 stig í öðru sæti mótsins. Dalvík/Reynir hefur leikið alla sex leiki sína í Kjarnafæðismótinu. KA 2 á eftir einn leik og er í sjötta sæti af sjö liðum með þrjú stig.
Athugasemdir
banner
banner
banner
banner
banner