Helgi Sigurðsson, þjálfari Fylkis, var í viðtali eftir leik liðsins við ÍBV í dag. Fylkir vann leikinn 4-2.

Helgi var meðal annars spurður út í leikinn, framhaldið og leikmannahópinn.

„Ég er mjög sáttur, í heildina spiluðum við vel. Eina sem pirrar mig eru þessi tvö mörk sem við fengum á okkur," sagði Helgi.

„Það er ekki bara pressa og læti í okkur heldur erum við að spila vel og skapa mikið af færum. Orðnir rólegri á boltanum."

"Það er ekkert útilokað, við erum alltaf að líta í kringum okkur. Vonandi koma einn eða tveir leikmenn í viðbót til að styrkja hópinn. Við eigum menn inni og erum með öflugt lið, við ætlum okkur stóra hluti."

Viðtalið í heild má sjá hér að ofan.