Sokratis og Eddie Nketiah skoruðu mörk Arsenal í leiknum en Reiss Nelson bjó bæði mörkin til.

Luiz er ánægður með andann í liðinu og bætinguna frá því Mikel Arteta kom og hrósaði þá ungu leikmönnum sérstaklega.

„Ég var ánægður með liðið í kvöld og sérstaklega ungu strákana. Þeir eru með frábært hugarfar og skilja hvað þarf til að spila á svona háu stigi," sagði Luiz.

„Það var frábært að halda hreinu. Þetta er eitthvað sem þarf að læra og við gerðum frábærlega í kvöld. Það eru allir með hundrað prósent einbeitingu."

„Ég sagði við ungu strákana að þeir eru að fá frábært tækifæri hjá stóru félagi. Ég er elstur í liðinu en ég finn innra með mér að ég verð ungur að eilífu," sagði hann í lokin.