Daniel Sturridge hefur verið dæmdur í fjögurra mánaða bann frá fótbolta eftir að hann braut reglur um veðmál. Hann fékk upphaflega sex vikna bann síðasta sumar en dómurinn var þyngdur og sekt hans hækkuð.
Í morgun var tilkynnt að búið væri að rifta samningi hans við tyrkneska félagið Trabzonspor.
Sturridge er fyrrum sóknarmaður Liverpool en félagið tilkynnti í júní í fyrra að hann myndi fara annað.
Hann gekk þá í raðir Trabzonspor þar sem hann skoraði sjö mörk í sextán leikjum.
Sturridge er nú í banni frá afskiptum af fótbolta þar til 17. júní. Hann gaf bróður sínum innherjaupplýsingar og sagði honum að veðja á ákveðna hluti.
Athugasemdir