Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   mán 02. mars 2020 21:30
Brynjar Ingi Erluson
Werner hættur að fylgja Leipzig á Twitter
Timo Werner
Timo Werner
Mynd: Getty Images
Þýski landsliðsmaðurinn Timo Werner er hættur að fylgja RB Leipzig á Twitter en hann gerði það eftir að Leipzig grínaðist með tap Liverpool gegn Watford í ensku úrvalsdeildinni.

Liverpool og Leipzig hafa verið í viðræðum um Werner síðustu vikur samkvæmt ensku blöðunum en það er talið ansi líklegt að hann gangi til liðs við Liverpool í sumar.

Werner hefur gert 27 mörk og lagt upp 11 í 34 leikjum á þessu tímabili en hann er með klásúlu í samning sínum upp á 25 milljónir punda.

Þýski framherjinn var að fylgja liði sínu Leipzig á Twitter hann hætti því eftir 3-0 tap Liverpool gegn Watford. Leipzig birti mynd við færslu Liverpool um tapið en myndin var af Werner að horfa undrandi á símann sinn.

Werner hætti að fylgja Leipzig á Twitter í kjölfarið en hann hætti einnig að fylgja þýska landsliðinu og Out of context football.
Athugasemdir
banner
banner
banner
banner