Raul Jimenez (28) leikmaður Wolves segir að það væri erfitt að neita boðum frá spænsku risunum Real Madrid og Barcelona (Express)

Það lítur út fyrir að Liverpool missi af því að fá Timo Werner (24) framherja RB Leipzig til sín þar sem óvissa er með hvað Bítlaborgarfélagið geti eytt í sumar sökum heimsfaraldursins. (Mirror)

Dean Henderson (23) hefur verið á láni hjá Sheffield United frá Manchester United og allt stefnir í að hann verði annað ár í Sheffield. (Daily Star)

Moussa Dembele (23) framherji Lyon er skotmark Rauðu Djöflanna en United er sagt eiga eftir að hefja viðræður við franska félagið. (MEN)

Willian (31) leikmaður Chelsea segir það alls ekki útilokað að hann gangi í raðir nágrannaliðanna Tottenham eða Arsenal. (Mirror)

Ryan Fraser (26) vængmaður Bournemouth hefur sagt vinum sínum að hann vilji fara til Tottenham ef félagið hafi áhuga á sér. (Football Insider)

Hector Herrera (30) miðjumaður Atletcio var skotmark West Ham í janúar og félagið gæti enn reynt að krækja í hann í sumar. (Independent)

Stærstu sex liðin í úrvalsdeildinni hafa áhyggjur af því að ef tímabilinu í ár verði aflýst þá auki það líkurnar á því að næsta tímabili verði einnig aflýst og beðið verði eftir mótefni við kórónaveirunni. (Mail)

Ferran Torres (20) leikmaður Valencia, hefur verið hvattur til þess af Jose Luis Gaya (24) liðsfélaga sínum í Valencia, að fara ekki til Liverpool. (Marca)

Philippe Coutinho (27) er ekki að fara frá Barcelona til Leicester segir Brendan Rodgers, stjóri Leicester. Rodgers segir Coutinho alltof dýran fyrir Leicester. (Leicester Mercury)

Liverpool hefur haft samband við Napoli vegna Kalidou Koulibaly (28). Liverpool sér hann fyrir sér sem nýjan mann inn í liðið í stað Joel Matip. (Tutto Mercato)

Tottenham hefur hafið viðræður við Hellas Verona um kaup á Marash Kumbulla (20) sem gæti orðið arftaki Jan Vertonghen. (Sport Witness)