Vieri lék fyrir Juventus, Atletico Madrid, Lazio og Inter á sínum bestu árum og skoraði 23 mörk í 49 A-landsleikjum.

Á tíma sínum hjá Inter hélt Vieri að landsliðsfélagi sinn og goðsögn Alessandro Nesta væri að skipta yfir til félagsins frá AC Milan.

„Eftir að hafa rætt við Moratti sannfærði ég Ronaldo og (Alvaro) Recoba um að taka á sig launalækkun til að fá Nesta til félagsins," sagði Vieri.

„Nokkrum dögum síðar heyri ég í Moratti og hann segir að við höfum fengið annan varnarmann. 'Hvern?' spurði ég og fékk svarið (Carlos) 'Gamarra'.

„Ég skellti á og kastaði símanum frá mér af öllu afli."

Í heimalandinu er Vieri frægur fyrir kvennafar og ber enn fyrir stolti í rödd hans þegar hann ræðir fortíðina og slúðursögurnar sem fylgdu honum um allt.

„Ég hef verið bendlaður við marga kvenmenn í gegnum árin. Ef ég á að vera heiðarlegur, þá eru bara nokkur sambönd skálduð upp. Nánast öll sambönd sem bleiku miðlarnir töluðu um voru sönn.

„Margar konur sem leika í bíómyndum eða sjónvarpi eiga sér sögu með 'Il Bomber'.
Hann gat sannfært eina, tvær eða jafnvel þrjár til að sænga hjá sér á sama kvöldi."