Þjálfarar og fyrirliðar Lengjudeildarinnar spá því að Grindavík hafni í fjórða sæti deildarinnar.
Hægt er að lesa umfjöllun um liðið með því að smella hérna.
Hægt er að lesa umfjöllun um liðið með því að smella hérna.
Eiður Ben Eiríksson, Rafn Markús Vilbergsson og Úlfur Blandon eru sérfræðingar Fótbolta.net fyrir Lengjudeildina í ár. Eiður Ben gaf sitt álit á liði Grindavíkur.
Hann telur að miðjumaðurinn Aron Jóhannsson sé þeirra helsti lykilmaður í sumar.
„Ég er sannfærður um að Aron muni vera lykilmaður fyrir Grindavík í sumar. Gæðalega séð er Aron frábær fótboltamaður, yfirvegaður á boltanum og stjórnar ferðinni á miðjunni fyrir Grindavík," segir Eiður.
„Ég er viss um að ef Aron myndi nenna að verjast þó það væri ekki nema í helming leikja að þá væri hann í topp fimm liðunum í efstu deild. Það er enginn sem efast um hæfileikana sem hann hefur."
„Það er spennandi að sjá hvernig Aron verður í sumar, sérstaklega í ljósi þess að hann verður með betri fótboltamenn í kringum sig í sumar og það mun gera hann að betri leikmanni."
Aron er uppalinn í Haukum en hefur spilað með Grindavík frá árinu 2018.
Athugasemdir