Chelsea er búið að tryggja sér sæti í úrslitaleik Meistaradeildar kvenna eftir leik við Bayern Munchen í London í dag.
Um var að ræða seinni leik liðanna í undanúrslitum en Bayern vann fyrri leikinn 2-1 á heimavelli.
Chelsea gerði enn betur í dag og vann heimaleikinn með fjórum mörkum gegn einu og fer því áfram samanlagt, 5-3.
Francesca Kirby er einn allra mikilvægasti leikmaður Chelsea og skoraði hún tvö mörk fyrir liðið í dag. Danski snillingurinn Pernille Harder komst einnig á blað.
Karólína Lea Vilhjálmsdóttir kom ekki við sögu hjá Bayern í dag.
Þar mun Chelsea spila við spænska stórliðið Barcelona sem vann Paris Saint-Germain 2-1 á heimavelli í dag.
Barcelona hafði betur samanlagt 3-2 en leiknum í Frakklandi lauk með 1-1 jafntefli.
Athugasemdir
