Ísak Snær Þorvaldsson hefur komið frábærlega inn í lið Breiðabliks í upphafi tímabils. Ísak hefur skorað fjögur mörk og lagt upp eitt í fyrstu þremur leikjum Bestu deildarinnar. Ísak skoraði tvö mörk í 3-0 sigri Breiðabliks gegn FH í gær.
Ísak hefur mest verið að spila meira úti vinstra megin í þriggja manna sóknarlínu Breiðabliks. Breiðablik missti Árna Vilhjálmsson og Thomas Mikkelsen frá síðasta tímabili og höfðu einhverjir orð á því að Blikum vantaði framherja eða 'níu'. Halldór Árnason, aðstoðarþjálfari Breiðabliks, var spurður út í Ísak í viðtali eftir leik í gær.
Ísak hefur mest verið að spila meira úti vinstra megin í þriggja manna sóknarlínu Breiðabliks. Breiðablik missti Árna Vilhjálmsson og Thomas Mikkelsen frá síðasta tímabili og höfðu einhverjir orð á því að Blikum vantaði framherja eða 'níu'. Halldór Árnason, aðstoðarþjálfari Breiðabliks, var spurður út í Ísak í viðtali eftir leik í gær.
Lestu um leikinn: Breiðablik 3 - 0 FH
„Ísak er svo sem að spila svipaða stöðu og Árni spilaði í fyrra og að mögu leyti hefur sömu eiginleika, skilar sér í sömu svæði og gerir sömu hluti þannig það er í raun lítill munur á því sem við erum að gera núna og í fyrra. Ísak hefur auðvitað byrjað þetta frábærlega, skorað fjögur mörk og lagt upp. Að sama skapi hefur Kiddi gert frábæra hluti í 'níunni' eða hvað menn vilja kalla þetta og Jason síógnandi úti hægra megin. Þetta er svipað og í fyrra og við höfðum svo sem ekki áhyggjur af því hvort við værum með hreinræktaða níu eða ekki," sagði Dóri við Fótbolta.net.
Fáránlega sterkur og snöggur
Umræddur Kiddi, Kristinn Steindórsson, var til viðtals á mbl.is eftir leikinn og var spurður út í Ísak. Hann vildi meina að Ísak kæmi með nýja vídd sem Blikar höfðu ekki haft í sínum leikmannahópi.
„Já, hann er búinn að koma skemmtilega á óvart í stöðu sem ekki var búist við að hann myndi spila en hann hefur vaxið þvílíkt hjá okkur. Maður sá á æfingunum, þegar var farið að styttast í mótið, að hann væri á fínni leið, bæði innan hópsins og í því sem við erum að gera," sagði Kiddi við Víði Sigurðsson á mbl.is.
„Svo hefur hann bara verið frábær í þessari stöðu og gefið okkur nýja vídd sem við höfum ekki haft. Hann er fáránlega sterkur og snöggur, en líka klókur og góður á boltann. Hann hefur smellpassað inn í liðið," sagði Kiddi.
Athugasemdir