Wan-Bissaka er ekki í hópnum
Gareth Southgate, þjálfari enska landsliðins, tilkynnti í gær 26-manna leikmannahóp sem fer fyrir Englands hönd á EM í sumar.
Það vakti athygli að þeir Kyle Walker, Kieran Tripper, Reece James og Trent Alexander-Arnold eru allir í hópnum. Allir eru þeir hægri bakverðir.
Aaron Wan-Bissaka, fastamaður í næstbesta liði ensku úrvalsdeildarinnar - Manchester United, er ekki í leikmannahópnum.
Southgate segir að ef hann hefði getað valið fimm eða sex hægri bakverði í hópinn þá hefði hann gert það.
„Við erum með fjóra leikmenn sem spila stundum hægri bakvörðinn fyrir sín félagslið. Þeir eru einfaldlega á meðal 26 bestu leikmanna þjóðarinnar og þess vegna eru þeir í hópnum. Ef ég hefði getað valið 5 eða 6 hægri bakverði þá hefði ég gert það."
„Við erum mættir til að spila níu leiki, þegar erum við með nokkra tæpa og við verðum að vera tilbúnir í allar aðstæður sem geta komið upp," sagði Southgate.
Englands mætir Króatíu í fyrsta leik riðilsins þann 13. júní. Skotland og Tékkland eru einnig í riðlinum.
Sjá einnig:
Enski landsliðshópurinn
Athugasemdir
