Karim Benzema er nú að leika sinn fyrsta franska landsleik frá árinu 2015 en liðið leikur við Wales í vináttuleik.
Benzema er einn besti framherji heims en hann hefur lengi verið nían í stjörnuprýddu liði Real Madrid.
Benzema spilaði þó síðast fyrir landsliðið árið 2015 en hann var ásakaður um að hafa kúgað fé úr liðsfélaga sínum Mathieu Valbuena.
Allt fór á fullt eftir þessar ásakanir og var Benzema ekki valinn á EM 2016 og heldur ekki HM 2018.
Hann sneri þó aftur í kvöld gegn Wales og verður hluti af franska landsliðshópnum á EM alls staðar í sumar.
Benzema lék fyrsta landsleikinn sinn árið 2007 og hefur skorað 27 mörk í 81 leik fyrir þjóð.
Framherjinn fékk gullið tækifæri til að koma Frökkum yfir gegn Wales í dag en hann klikkaði á vítaspyrnu á 27. mínútu.
Athugasemdir