Pochettino tók við PSG í byrjun janúar og stýrði liðinu til sigur í franska bikarnum. Liðið hafnaði í 2. sæti deildarinnar og komst þá í undanúrslit Meistaradeildarinnar.

Hann gerði eins og hálfs árs samning við PSG þegar hann skrifaði undir en Tottenham hefur sýnt mikinn áhuga á að fá hann aftur og vill argentínski þjálfarinn aftur til Englands.

PSG vill þó alls ekki missa hann og til að koma í veg fyrir frekari áhuga hefur það ákveðið að virkja ákvæði í samningnum sem gerir félaginu því kleift að framlengja samninginn um ár.

Erlend félög þyrftu því að greiða hærra riftunarverð til að fá hann frá PSG en það verður að koma í ljós hvort það stöðvi Daniel Levy, eiganda Tottenham.