Gareth Southgate, landsliðsþjálfari Englands, segir að það megi líta á það sem misheppnað mót hjá enska liðinu ef það nær ekki að komast í undanúrslit á EM í sumar.
Enska liðið komst í undanúrslit á HM 2018. Southgate var spurður hvort að það verði litið á mótið sem misheppnað ef England kemst ekki í undanúrslit hið minnsta.
„Já, það verður að öllum líkindum þannig," sagði Southgate.
„Mér finnst það raunhæfar væntingar og við verðum að lifa með því. Erum við klárir í að vinna keppnina? Við höfum komist í tvígang í undanúrslit svo næsta skrefið er að fara lengra."
England komst einnig í undanúrslit Þjóðadeildarinnar árið 2019.
„Við vitum að það er spenna í kringum liðið og það er frábært, okkar gengi skiptir fólk máli," sagði landsliðsþjálfarinn.
Athugasemdir