„Þetta er drullusvekkjandi," sagði Dagbjört Ingvarsdóttir, leikmaður Víkings, eftir 1-2 tap gegn Tindastóli á heimavelli í Lengjudeild kvenna.
Lestu um leikinn: Víkingur R. 1 - 2 Tindastóll
Víkingur tók forystuna snemma en missti hana rétt fyrir leikhlé. Svo lentu þær undir snemma í seinni hálfleik og náðu ekki að svara fyrir það.
„Við unum okkur ágætlega inn í leikinn. Við vorum 'shaky' varnarlega, töpuðum aðeins í baráttunni inn á miðjunni og alls konar. En mér fannst við vinna okkur vel til baka í seinni hálfleik," sagði Dagbjört.
„Við fáum á okkur mark á drullu ömurlegum tíma. Við sköpuðum okkur fullt af tækifærum, en þær eiga hrós skilið fyrir sína frammistöðu."
„Þetta var bara ekki okkar dagur," sagði Dagbjört.
Athugasemdir