Íslenska karlalandsliðið mætir Ísrael í kvöld í fyrsta leik liðsins í Þjóðadeild UEFA. Leikurinn hefst kl. 18:45 á Sammy Ofer leikvangnum í Haífa og er hann í beinni útsendingu, og í opinni dagskrá, á Viaplay, auk þess að vera í beinni textalýsingu á Fótbolta.net.
Andris Treimanis frá Lettlandi mun dæma leikinn en hann á fjölda leikja að baki í Evrópudeildinni og einnig hefur hann dæmt hina ýmsu landsleiki.
Hann hélt um flautuna á Laugardalsvelli þegar Ísland tapaði 1-2 fyrir Belgíu í október 2020. Með tapinu var fall Íslands úr A-deild Þjóðadeildarinnar niður í B-deildina.
Aðstoðardómararnir og fjórði dómarinn í kvöld koma líka frá Lettlandi en Hollendingar sjá um VAR-myndbandsdómgæsluna. Aðal VAR dómari er Jeroen Manschot.
Athugasemdir
