Heimild: Vísir
Hávær orðrómur hefur verið í gangi um að Heimir Hallgrímsson sé að taka við þjálfun Vals af nafna sínum Heimi Guðjónsson. Sá fyrrnefndi neitar þessum fréttum hinsvegar alfarið í samtali við Vísi.
Hann segist enn vera að vonast eftir því að fá starf erlendis.
Hann segist enn vera að vonast eftir því að fá starf erlendis.
„Það hefur ekkert verið talað við mig í þessu. Mér finnst þetta svo leiðinlegt, því nú þekki ég Heimi Guðjóns vel,. Ég er með nokkra möguleika í gangi og er ekkert að fara að ákveða strax. En ég er ekkert að fara í Val í dag. Hvað verður í framtíðinni? Kannski einhvern tímann en ég er ekki á leiðinni í Val í dag," segir Heimir.
Hann segir að það hafi alltaf verið í forgangi hjá sér að taka að sér starf erlendis og það sé enn stefnan.
Valsmenn hafa tapað fjórum leikjum í röð og staða Heimis Guðjónssonar verið mikið í umræðunni. Fullyrt hefur verið að þjálfarabreytingar séu á döfinni en Valsmenn hafa lítið gefið upp. Varaformaðurinn Jón Höskuldsson sagði við Vísi að Heimir Guðjónsson væri „eins og er" þjálfari Vals.
Athugasemdir