Hinn nítján ára gamli Pablo Torre verður leikmaður Barcelona í sumar en hann kemur frá Racing Santander.
„Þetta gerðist mjög snöggt. Umboðsmaður minn sagði mér hvað væri í gangi, ég var í verkefni með U19 landsliðinu þegar ég fékk myndbandssímtal frá Xavi," segir Torre.
„Þetta gerðist mjög snöggt. Umboðsmaður minn sagði mér hvað væri í gangi, ég var í verkefni með U19 landsliðinu þegar ég fékk myndbandssímtal frá Xavi," segir Torre.
„Hann útskýrði fyrir mér hugsunina varðandi mig. Ég var að skíta á mig af stressi."
Real Madrid hafði einnig áhuga á þessum unga sóknarmiðjumanni en hann segir að það hafi verið draumur sinn að spila fyrir Barcelona.
Hann skoraði tíu mörk og átti tíu stoðsendingar í 33 leikjum í spænsku C-deildinni á nýliðnu tímabili. Ætlunin er að hann muni spila fyrir B-lið Barcelona á næsta tímabili en verður með aðalliðinu á undirbúningstímabilinu.
Athugasemdir