Óljóst er hvort Cristiano Ronaldo ætli að leggja landsliðsskóna á hilluna eða ekki, en ljóst er að hann keppir ekki næsta keppnisleik portúgalska landsliðsins.
Ronaldo er nefnilega í leikbanni í næsta keppnisleik Portúgala eftir að hann fékk tvö gul spjöld á heimsmeistaramótinu.
Portúgal mætir Ítalíu í Þjóðadeildinni í haust. Liðin munu eigast við í Lisbon þann 10. september.
Pólverjar eru þriðja liðið í riðlinum en þeir duttu úr riðlakeppni heimsmeistaramótsins eftir tapleiki gegn Senegal og Kólumbíu í fyrstu tveimur umferðunum.
Portúgal datt út gegn Úrúgvæ í 16-liða úrslitum í gær og verður áhugavert að sjá hvernig Evrópumeisturunum mun ganga í spennandi Þjóðardeildarriðli.
Athugasemdir
