Enska úrvalsdeildarfélagið Leicester City er búið að ná samkomulagi við Newcastle United um kaup á Ayoze Perez, framherja liðsins, en fréttastofa Sky Sports greinir frá.
Brendan Rodgers, stjóri Leicester, hefur lengi haft augastað með Perez sem hafnaði því að framlengja samning sinn við Newcastle fyrr á árinu en samningurinn rennur út árið 2021.
Hann vild ólmur komast burt frá liðinu og það var ýtt enn frekar undir það er Rafael Benitez yfirgaf félagið.
Leicester og Newcastle hafa komist að samkomulagi um Perez en Leicester greiðir 30 milljónir punda fyrir hann.
Leikmaðurinn á eftir að semja um kaup og kjör hjá Leicester auk þess sem hann á eftir að gangast undir læknisskoðun.
Perez skoraði 12 mörk í ensku úrvalsdeildinni á síðasta tímabili.
Athugasemdir