Stuðningsmenn Ungverjalandsverða til rannsóknar hjá FIFA eftir 4-0 sigur Englands í kvöld en ITV greindi frá því að þeir hafi verið með kynþáttafordóma í garð svartra leikmanna enska liðsins.

Þeir bauluðu í byrjun leiks eftir að leikmenn Englands krupu á hné í baráttu sinni gegn rasisma. Þeir héldu svo áfram með apahljóð á meðan leiknum stóð.

Enska knattspyrnusambandið ætlar að láta rannsaka málið en Southgate var ekki var við þetta í leiknum.

„Ég hef heyrt fréttir af kynþáttafordómum en við urðum ekki varir við það í leiknum. Ég veit ekki hvort það hafi verið sniðugt að fagna fyrir framan stuðningsmenn Ungverjalands en það eru kynþáttafordómarnir sem eru aðalatriðið í þessu," sagði Southgate.