Áhorfendur í Búdapest voru með mikil dólgslæti fyrir leik og bauluðu meðal annars á leikmenn Englendinga sem krupu á hné til að sýna samstöðu í baráttunni gegn kynþáttafordómum.

ITV greindi frá apahljóðum úr stúkunni og hefur enska knattspyrnusambandið gagnrýnt stuðningsmennina fyrir það og mun láta rannsaka málið.

Raheem Sterling var orðinn þreyttur á stuðningsmönnunum og þegar hann skoraði fyrsta markið fagnaði hann fyrir framan þá og urðu mikil læti.

Stuðningsmennirnir köstuðu glösum í átt að Sterling og héldu áfram með rasisma í garð svartra á vellinum. Declan Rice, leikmaður Englands, tók svo upp á því að drekka úr einu glasinu til að æsa þá enn meira upp.

Hægt er að sjá nokkrar myndir af þessu hér fyrir neðan.