Stuðningsmenn Ungverjalands bauluðu fyrir leikinn er leikmenn Englands krupu á hné til að styðja við baráttu gegn kynþáttafordómum.

Breska sjónvarpsstöðin ITV greindi þá frá því að stuðningsmenn Ungverjalands hefðu verið með kynþáttafordóma á meðan leik stóð og heyrðust apahljóð greinilega í útsendingunni.

Enska knattspyrnusambandið sendi frá sér yfirlýsingu í kjölfarið og mun láta rannsaka málið frekar.

„Það eru mikil vonbrigði að heyra af fregnum af fordómum í garð leikmanna enska landsliðsins. Við munum biðja FIFA um að rannsaka málið. Við höldum áfram að styðja leikmenn og þjálfara í baráttunni gegn mismunun," segir í yfirlýsingu sambandsins.