Stefán Teitur Þórðarson, leikmaður Silkeborg í Danmörku, er í liði umferðarinnar í dönsku úrvalsdeildinni en það er TV3Sport sem velur liðið.
Skagamaðurinn lagði upp tvö mörk í 2-1 sigri Silkeborg á Randers um helgina.
Þetta var fimmti leikur hans á tímabilinu með Silkeborg en hann átti þátt í því að koma liðinu úr B-deildinni á síðustu leiktíð.
Hann er verðlaunaður fyrir frammistöðuna gegn Randers og er því í liði umferðarinnar hjá TV3Sport.
Silkeborg er í 6. sæti með 10 stig þegar sjö umferðir eru búnar af mótinu.
Athugasemdir