Edinson Cavani gekk til liðs við Valencia á Spáni fyrir lok félagsskiptagluggans í gær.
Cavani hafði verið án félags síðan hann yfirgaf Manchester United í byrjun sumars. Hann er nú mættur til Spánar.
Hann er spenntur að byrja spila fyrir félagið.
„Ég vil komast út á völl eins fljótt og hægt er. Ég mun ávallt gera mitt besta þar sem ég vil sanna mig fyrir þeim þar sem þeir trúa mikið á mig," sagði Cavani.
Valencia tekur á móti Getafe á sunnudaginn. Liðið er með þrjú stig eftir þrjá leiki.
Athugasemdir