Dagný Brynjarsdóttir.
Dagný Brynjarsdóttir, Gunnhildur Yrsa Jónsdóttir og Sara Björk Gunnarsdóttir byrja saman á miðjunni í leiknum gegn Hvíta-Rússlandi klukkan 17:30.
Er þetta gríðarlega mikilvægur leikur í vegferð Íslands að HM. Með sigri kemur liðið sér á topp riðilsins fyrir lokaleik gegn Hollandi.
Er þetta gríðarlega mikilvægur leikur í vegferð Íslands að HM. Með sigri kemur liðið sér á topp riðilsins fyrir lokaleik gegn Hollandi.
Lestu um leikinn: Ísland 6 - 0 Hvíta-Rússland
Þessi miðja byrjaði saman fyrstu tvo leikina á EM og var mikil umræða um að hún væri ekki að virka saman.
Í Heimavellinum var rætt um það að færa Dagnýju Brynjarsdóttur framar á völlinn, en hún hefur verið að leika mikið sem djúpur miðjumaður í landsliðinu. Hafa þá Gunnhildi og Söru aðeins fyrir aftan, eða jafnvel bara Söru.
Sonný Lára Þráinsdóttir, fyrrum landsliðsmarkvörður, kom inn á það að eiginleikar Dagnýjar væru best nýttir framar á vellinum og var einnig komið inn á það að Sara væri mjög öflug í því að vera djúp á miðsvæðinu.
Það er spurning hvort við sjáum þessa útfærslu eitthvað í dag, eða hvort Steini verði áfram með Dagnýju aftarlega á vellinum.
Hægt er að hlusta á Heimavöllinn í heild sinni í spilaranum fyrir neðan.
Athugasemdir
