Sjöunda umferð ensku úrvalsdeildarinnar er að baki. Garth Crooks hjá BBC valdi lið helgarinnar og hér að neðan er það. Í liði helgarinnar eru margir öflugir leikmenn, þar á meðal Coutinho, Fellaini og Harry Kane.
Ederson (Manchester City) - Eins og að spila með auka varnarmann. Varði nokkrum sinnum vel í 1-0 sigrinum á Chelsea.
Maya Yoshida (Southampton) - Var í tapliði en skoraði frábært mark. Fáir varnarmenn sem geta leikið það eftir.
James Tarkowski (Burnley) - Hefur stigið upp og leyst Michael Keane af. Var öflugur í 1-0 sigri Burnley á Everton.
Nacho Monreal (Arsenal) - Skoraði gegn Brighton í leiðinlegum leik og sýndi góða baráttu.
Kieran Trippier (Tottenham) - Var einn af bestu mönnum vallarins í öruggum 4-0 sigri Tottenham á Huddersfield. Lagði upp fyrra mark Harry Kane.
Philippe Coutinho (Liverpool) - Skoraði stórglæsilegt mark gegn Newcastle. Hefur verið frábær síðan hann sneri aftur.
Marouane Fellaini (Manchester United) - Skoraði tvö mörk og var besti maður vallarins í 4-0 sigri á Crystal Palace. Fellaini hefur spilað mjög vel að undanförnu.
Kevin de Bruyne (Manchester City) - Skoraði sigurmark City gegn Chelsea. Er í uppáhaldi hjá Pep Guardiola.
Ben Davies (Tottenham) - Skoraði gegn Huddersfield og var mjög líflegur.
Marcus Rashford (Manchester United) - Fór illa með varnarmenn Crystal Palace, sérstaklega í fyrsta marki United.
Harry Kane (Tottenham) - Þarf að segja eitthvað? Magnaður.
Athugasemdir
