Elías Rafn Ólafsson, markvörður Midtjylland, er leikmaður mánaðarins í dönsku úrvalsdeildinni.
Elías, sem er 21 árs gamall, hefur verið magnaður í marki danska liðsins í september og átt hverja frábæru frammistöðuna á fætur annarri.
Síðan Elías hefur komið inn í mark Midtjylland hefur hann haldið hreinu í öllum fjórum deildarleikjunum sem hann hefur spilað og meira að segja lagt upp eitt mark.
Hann hélt einnig hreinu í bikarsigri á Kjellerup og var þá valinn maður leiksins í 3-1 tapi liðsins gegn portúgalska liðinu Braga í Evrópudeildinni á dögunum. Elías varði víti í leiknum og var yfirburðamaður á vellinum.
Elías var í dag valinn leikmaður mánaðarins í dönsku úrvalsdeildinni fyrir september og var það vel verðskuldað.
Þetta hefur verið góður mánuður fyrir markvörðinn sem er nýliði í íslenska landsliðinu sem spila við Armeníu og Liechtenstein í undankeppni HM á næstu dögum.
Elias Olafsson har vundet prisen som månedens spiller i @Superligaen for September-måned 🔥👏#sldk pic.twitter.com/kqMotdVwQW
— FC Midtjylland (@fcmidtjylland) October 2, 2021
Athugasemdir