Börsungar hafa aðeins unnið einn leik af fimm síðustu og staðan í Meistaradeildinni er svört. Barcelona-liðið hefur tapað fyrstu tveimur leikjum sínum í Meistaradeildinni - gegn Bayern München og Benfica - með markatölunni 3-0.

Það hefur allt verið í rugli hjá Barcelona undanfarin ár. Félagið hefur tekið heimskulegar ákvarðanir í bland við kórónuveirufaraldurinn, og það hefur skilað liðinu miklum fjárhagsvandræðum. Út af þessum fjárhagsvandræðum, þá þurfti félagið að láta Lionel Messi fara í sumar.

Það hefur verið mikið rætt og skrifað um að Koeman sé að missa starfið. Hann er allavega með stuðning frá landa sínum, Frenkie de Jong, sem spilar á miðjunni hjá Börsungum.

„Ég held að það muni ekki leysa neitt að skipta um þjálfara," sagði De Jong eftir tapið stóra gegn Benfica á miðvikudagskvöld. „Við erum að reyna allt og við erum að leggja mikið á okkur, en þetta var ekki dagurinn okkar."

Koeman telur sig vera með stuðning frá leikmönnum en hann er ekki svo viss þegar kemur að öðru fólki innan félagsins.