lau 02. október 2021 09:00
Guðmundur Aðalsteinn Ásgeirsson
Inaki Williams bætti met - Magnaður árangur
Inaki Williams.
Inaki Williams.
Mynd: EPA
Framherjinn Inaki Williams setti magnað met í gær þegar hann spilaði með Athletic Bilbao gegn Deportivo Alaves í spænsku úrvalsdeildinni.

Hann hefur núna spilað 203 leiki í röð í La Liga - án þess að missa úr leik.

Williams er aðeins einn af tveimur leikmönnum sem hefur spilað í yfir 200 leikjum í röð í efstu deild Spánar. Hinn er Juan Larranaga, fyrrum varnarmaður Real Sociedad, sem spilaði 202 leiki í röð.

Williams er núna einn á toppnum eftir að hafa spilað í leiknum í gær. Þetta er magnaður árangur, en þessi leikjahrina hans hófst fyrir fimm árum síðan.

Það verður gaman að sjá hversu lengi hún mun svo endast, hversu marga leiki í viðbót hann mun taka án þess að missa af einum einasta leik.
Athugasemdir
banner
banner