Ísak Snær Þorvaldsson átti frábæran leik er ÍA tryggði sig í bikarúrslit með 2-0 sigri á Keflavík í undanúrslitum Mjólkurbikarsins í dag.
Lestu um leikinn: ÍA 2 - 0 Keflavík
Ísak Snær lagði upp fyrra markið fyrir Gísla Laxdal Unnarsson og var gríðarlega öflugur á miðsvæðinu.
ÍA hefur verið í frábærum gír í síðustu leikjum. Liðið tryggði sæti sitt í lokaumferð Pepsi Max-deildarinnar með mögnuðum endurkomusigri á Keflavík.
2-0 sigur hafðist svo í dag og ljóst að liðið leikur til bikarúrslita gegn Vestra eða Víkingi.
„Ég er orðlaus. Þetta er geggjað og fyrsta skipti sem ég kemst í bikarúrslit í meistaraflokki. Það er ekki hægt að lýsa tilfinningunni
„Við vissum að þeir myndu koma brjálaðir inn í leikinn eftir síðustu viku en við vorum tilbúnir í það. Þegar vörnin er svona þá fer ekkert í gegnum hana."
„Ég vil fá alla Skagamenn, alla úr bænum og alla sem eru með tengingu við Skagann, mína Mosfellinga og allt landið má mæta að styðja Skagann. Ég vil að stemningin sé eins og hérna, jafnvel hærri og við ætlum að taka þann leik líka."
Ísak á sér ekki óska mótherja, eina sem hann veit er að ÍA ætlar að vinna þann leik.
„Mér er alveg sama. Við ætlum að taka það, sama hvað. Það væri gaman að hafa tvo Skagamenn á hliðarlínunni en mér er svosem sama," sagði hann í lokin.
Athugasemdir