Það kom gríðarlega á óvart að Ole Gunnar Solskjær hafi byrjað með leikmenn á borð við Cristiano Ronaldo og Paul Pogba á bekknum í dag.

Michael Owen sagði eftir leikinn að hann hafi furðað sig á því að Jesse Lingard hafi ekki fengið tækifæri í byrjunarliðinu.

„Ég trúi því ekki að Lingard hafi ekki byrjað í dag. Hann gerði gríðarlega vel þegar hann kom inná gegn Villarreal. Hann fékk aðeins sex mínútur í þeim leik og átti góðan leik, ég trúi því ekki að hann byrjaði ekki í dag. Hann lætur eitthvað gerast í hvert skipti sem hann stígur út á völlinn."

„Ég hélt að það væri bara tímaspursmál hvenær hann fengi tækifærið og ég hélt að það yrði í dag," sagði Owen að lokum.