Anthony Martial kom United yfir undir lok fyrri hálfleiks en um miðjan síðari hálfleikinn jafnaði Andros Townsend metin. Þetta er annar leikurinn í röð sem United mistekst að vinna.

„Partur af leiknum var mjög góður. Við byrjðum vel og skoruðum frábær mark en í þeim síðari vantaði herslumuninn á því að ná í annað mark. Við fáum hornspyrnu og fimm sekúndum síðar skora þeir. Það er of mikið."

„Við vorum með nóg af leikmönnum á bakvið boltann en náðum ekki að stjórna hlutunum. Við náðum ekki skipuleggja okkur nógu vel eftir markið."

„Við gáfum þeim nokkrar skyndisóknir en þeir spiluðu ekki í gegnum okkur. Það var alveg eins á miðvikudag. Við þurfum að gera betur þegar við ákveðum að taka áhættur. Þeir sköpuðu hættuleg færi í skyndisóknunum," sagði Solskjær ennfremur.