Borussia Dortmund er komið upp í annað sæti þýsku deildarinnar eftir 2-1 sigur á Augsburg í dag. Wolfsburg tapaði þá öðrum leik sínum í röð.
Portúgalski vinstri vængmaðurinn Raphael Guerreiro kom Dortmund yfir á 10. mínútu með marki úr vítaspyrnu áður en Andi Zeqiri jafnaði metin tíu mínútum fyrir lok fyrri hálfleiks.
Julian Brandt gerði sigurmark Dortmund á 51. mínútu og þar við sat en liðið spilaði án Erling Braut Haaland í dag. Þetta þýðir að Dortmund er komið upp í annað sæti deildarinnar með 15 stig.
Alfreð Finnbogason var ekki í leikmannahópi Augsburg.
Wolfsburg tapaði öðrum leik sínum í röð er liðið tapaði fyrir Borussia Monchengladbach, 3-1. Wolfsburg vann fyrstu fjóra leiki tímabilsins en ekkert hefur gengið síðan.
Stuttgart vann þá Hoffenheim 3-1 á meðan Freiburg lagði Herthu Berlín, 2-1.
Úrslit og markaskorarar:
Borussia D. 2 - 1 Augsburg
1-0 Raphael Guerreiro ('10 , víti)
1-1 Andi Zeqiri ('35 )
2-1 Julian Brandt ('51 )
Wolfsburg 1 - 3 Borussia M.
0-1 Breel Embolo ('5 )
0-2 Jonas Hofmann ('7 )
1-2 Luca Waldschmidt ('24 )
1-2 Lars Stindl ('78 , Misnotað víti)
1-3 Tony Jantschke ('90 )
Rautt spjald: Maxence Lacroix, Wolfsburg ('76)
Stuttgart 3 - 1 Hoffenheim
1-0 Marc-Oliver Kempf ('18 )
2-0 Konstantinos Mavropanos ('60 )
3-0 Roberto Massimo ('81 )
3-1 Jacob Bruun Larsen ('84 )
Hertha 1 - 2 Freiburg
0-1 Philipp Lienhart ('17 )
1-1 Krzysztof Piatek ('70 )
Athugasemdir