Townsend jafnaði metin fyrir Everton gegn United á Old Trafford á 65. mínútu.

Everton keyrði fram í skyndisókn þar sem Demerai Gray fór illa með Fred áður en hann fann Abdoulaye Doucoure. Franski leikmaðurinn sá svo Townsend aleinan á auðum sjó sem jafnaði svo metin.

Townsend fagnaði markinu vel og innilega. Hann tók þekkt fagn Ronaldo í leiknum en það var ekki gert til að gera lítið úr portúgalska sóknarmanninum.

„Hann er goðið mitt. Ég ólst upp við að horfa á hann spila og hef eytt mörgum tímum á æfingasvæðinu að framkvæma tæknina hans en ég hefði kannski átt að eyða meiri tíma í að vinna í fagninu. Þetta var ekki fullkomin framkvæmd. Ég vildi sýna honum virðingu með því að fagna svona," sagði Townsend eftir leik.

Hægt er að sjá markið og fagnið hér