„Mér finnst virkilega gaman að sjá hvert Brynjar Ingi er kominn. Það er strákur sem mætti á hverja einustu morgunæfingu, við vorum heppnir í KA að geta æft oft á morgnanna allan veturinn og þá gátum við verið að vinna í einstaklingsmiðuðum æfingum og hann var þvílíkt duglegur,"

Brynjar Ingi lék 10 leiki fyrir KA á þessari leiktíð áður en hann lagði af stað í atvinnumennsku til Lecce á Ítalíu. Margir höfðu kallað eftir því að hann ætti að vera í u21 landsliðshópnum á EM en svo var ekki.

Hann var síðan valinn í A-landsliðið og á sex A-landsleiki og tvö mörk að baki en aldrei spilað yngri landsleik.

„Mér finnst alltaf gott að geta tekið dæmi, eitthvað sem þú getur bent á, 'sjáðu þennan gæja' hvar er hann í dag? Hann byrjar á því að rétt að komast í KA-liðið svo breytist hann í að vera einn besti varnarmaður á Íslandi, fær tækifæri með íslenska landsliðinu og stendur sig gríðarlega vel þar og kemst svo út og er að banka á dyrnar þar sem mér finnst frábært."