Bayern Munchen hefur dregið samningstilboð sitt til varnarmannsins David Alaba til baka.

Hinn 28 ára gamli Alaba verður samningslaus næsta sumar og hann hefur verið með tilboð á borðinu frá Bayern.

Sagt er að tilboðið hafi hljóðað upp á nýjan fimm ára samning sem myndi færa Alaba ellefu milljónir evra í árslaun.

Bayern vildi fá svar fyrir mánaðarmót og Herbert Hainer, forseti félagsins, hefur nú staðfest að tilboðið sé ekki lengur á borðinu.