Milan er á toppi ítölsku deildarinnar eftir sigurinn, með 16 stig eftir 6 umferðir.

„Ég beið bara eftir að boltinn myndi fara yfir línuna svo ég gæti fagnað með félögunum," sagði Zlatan og glotti. „Ég hef skorað nokkur svipuð mörk áður en þetta var eina hreyfingin sem ég gat gert til að hitta á rammann.

„Maður verður að reyna hluti, annað hvort takast þeir eða ekki. Í þetta sinn fór boltinn inn, næst fer hann aftur inn... ekki hafa áhyggjur."

Zlatan er ekki aðeins helsti markaskorari liðsins en einnig mikill leiðtogi og leiðbeinandi.

„Mitt starf er að halda leikmönnum hungruðum og passa að enginn verði alltof sáttur með sjálfan sig því við erum ekki enn búnir að vinna neinn titil.

„Við verðum að halda áfram og vera tilbúnir til að takast á við erfiðu tímana. Þegar þeir koma mun ég sýna leikmönnum réttu leiðina til að laga stöðuna.

„Þessa stundina er lykillinn fyrir leikmenn að vera hungraðir og ekki of sáttir með sjálfa sig. Við erum að spila vel en erum ekki búnir að vinna neitt."

Zlatan líður vel hjá Milan og grínaðist með samningsmál sín í lok viðtalsins, en hann verður samningslaus eftir tímabilið.

„Núna segi ég við Paolo (Maldini) að við verðum að skrifa undir nýjan samning því annars neita ég að spila næsta leik."

Sjáðu markið