Bayern, sem var í riðli með Inter, Barcelona og Viktoria Plzen, kláraði dæmið í gær með 2-0 sigri á ítalska liðinu.

Þetta var sjötti sigurinn þar sem Bayern skoraði 18 mörk og fékk aðeins á sig 2.

Afrekið er stórt því þetta er í þriðja sinn sem liðinu tekst að fara í gegnum riðlakeppnina með fullt hús stiga og sömuleiðis eina liðið sem hefur gert það þrisvar.

Bayern gerði slíkt hið sama á síðustu leiktíð og tímabilið 2019-2020, er liðið vann keppnina.