Daily Mail ákvað að púsla saman sameiginlegu liði úr leikmannahópum þessara tveggja Lundúnaliða.

Markvörður
Thibaut Courtois (Chelsea)
Petr Cech er enn frábær markvörður en þrátt fyrir það var þetta ekki erfitt val.

Hægri bakvörður
Hector Bellerín (Arsenal)
Spánverjinn stóð ekki alveg undir væntingum á síðasta tímabili en er farinn að finna sig aftur.

Miðvörður
Cesar Azpilicueta (Chelsea)
Er áreiðanlegur, sama hvort hann sé hægra megin eða í hjarta varnarinnar.

Miðvörður
Laurent Koscielny (Arsenal)
Einn besti miðvörður deildarinnar. Arsene Wenger hefur þó sagt að hann sé mjög tæpur fyrir leikinn í kvöld eftir að hafa farið meiddur af velli gegn West Brom um hátíðarnar.

Vinstri bakvörður
Marcos Alonso (Chelsea)
Sá leikmaður sem kom hvað mest á óvart þegar Chelsea varð Englandsmeistari á nýliðnu ári.

Miðjumaður
N'Golo Kante (Chelsea)
Líklega fyrsti maður á blað. Leikmaður ársins hjá Chelsea á síðasta tímabili og heldur áfram að leika vel.

Miðjumaður
Cesc Fabregas (Chelsea)
Áreiðanleiki og stöðugleiki. Fyrrum leikmaður Arsenal.

Sóknarmiðjumaður
Mesut Özil (Arsenal)
Özil á sína gagnrýnendur en þegar hann er á deginum sínum getur hann galopnað allar varnir.

Hægri vængur
Eden Hazard (Chelsea)
Fyrir utan Kevin De Bruyne er erfitt að nefna nokkurn mann í deildinni sem er skemmtilegra að horfa á en Hazard. Hann flýgur inn í þetta lið.

Vinstri vængur
Alexis Sanchez (Arsenal)
Leikmaður sem getur unnið leiki upp á sitt einsdæmi.

Sóknarmaður
Alvaro Morata (Chelsea)
Skákar Alexandre Lacazette. Morata var keyptur á háa fjárhæð en er byrjaður að borga til baka og hefur skorað tólf mörk.