Heimild: VG
Norska blaðið Verdens Gang tilkynnti í dag lið ársins hjá sér á Norðurlöndum. Einn Íslendingur kemst í liðið og ætti það ekki að koma neinum á óvart hver það er; Gylfi Þór Sigurðsson.
Gylfi hjálpaði Swansea að halda sér í ensku úrvalsdeildinni áður en hann var keyptur til Everton fyrir metfé. Hann var algjör lykilmaður í íslenska landsliðinu sem tryggði sér þáttökurétt á HM í Rússlandi.
Heimir Hallgrímsson, þjálfari Íslands, er þjálfari þessa liðs og aðstoðarmaður hans er Janne Andersson, þjálfari Svíþjóðar.
Aron Einar Gunnarsson, fyrirliði landsliðsins, er á meðal varamanna og Alfreð Finnbogason er nefndur sérstaklega, án þess þó að komast í liðið. Varnarmaðurinn Ragnar Sigurðsson hefur verið í liðinu undanfarin tvö ár en kemst ekki í það að þessu sinni.
Þetta er alls ekki í fyrsta sinn sem Gylfi kemst í lið ársins hjá Verdens Gang; hann hefur verið valinn í það sex sinnum á síðustu sjö árum!
Gylfi hjálpaði Swansea að halda sér í ensku úrvalsdeildinni áður en hann var keyptur til Everton fyrir metfé. Hann var algjör lykilmaður í íslenska landsliðinu sem tryggði sér þáttökurétt á HM í Rússlandi.
Heimir Hallgrímsson, þjálfari Íslands, er þjálfari þessa liðs og aðstoðarmaður hans er Janne Andersson, þjálfari Svíþjóðar.
Aron Einar Gunnarsson, fyrirliði landsliðsins, er á meðal varamanna og Alfreð Finnbogason er nefndur sérstaklega, án þess þó að komast í liðið. Varnarmaðurinn Ragnar Sigurðsson hefur verið í liðinu undanfarin tvö ár en kemst ekki í það að þessu sinni.
Þetta er alls ekki í fyrsta sinn sem Gylfi kemst í lið ársins hjá Verdens Gang; hann hefur verið valinn í það sex sinnum á síðustu sjö árum!
Athygli vekur að Zlatan Ibrahimovic, sóknarmaður Manchester United, kemst ekki í liðið. Hann er á meðal varamanna.
Í liðinu eru fimm Danir, fjórir Svíar, einn Íslendingur og einn Norðmaður. Hér að neðan má sjá liðið.
Athugasemdir