Manchester City er án fjögurra leikmanna vegna Covid og mæta til leiks í dag með Sergio Agüero á bekknum. Benjamin Mendy er einnig á bekknum eftir að hafa brotið samkomureglur með því að halda gamlárspartý heima hjá sér.

Zack Steffen er á milli stanga Man City á meðan Ederson er í sóttkví. Þá eru Ferran Torres og Nathan Ake utan hóps og gætu því verið sýktir af Covid.

Frank Lampard gerir fimm breytingar á liði Chelsea. Hakim Ziyech er kominn úr meiðslum og er í byrjunarliðinu ásamt Timo Werner sem kemur inn fyrir Callum Hudson-Odoi.

Kurt Zouma og Thiago Silva koma inn í vörnina og fær Mateo Kovacic sætið á miðjunni í stað Jorginho. Fimm breytingar í heildina frá jafnteflinu gegn Aston Villa.

Liðin eru jöfn á stigum í efri hluta deildarinnar en City á tvo leiki til góða.

Chelsea: Mendy, Azpilicueta, Chilwell, Zouma, T. Silva, Kante, Kovacic, Mount, Pulisic, Ziyech, Werner.
Varamenn: Kepa, Rudiger, Jorginho, Abraham, Giroud, Hudson-Odoi, Gilmour, Havertz, Emerson.

Man City: Steffen, Dias, Stones, Zinchenko, Cancelo, Rodri, Gundogan, Foden, B. Silva, De Bruyne, Sterling.
Varamenn: Carson, Aguero, Mendy, Fernandinho, Mahrez, Delap, Mbete, Harwood-Bellis.