Newcastle tekur því á móti Leicester í fyrri leik dagsins og verður áhugavert að sjá hvernig lærisveinum Brendan Rodgers tekst gegn þéttri varnarlínu sem Steve Bruce teflir fram.

Leicester getur komist upp í þriðja sæti með sigri á meðan Newcastle er í neðri hlutanum með 19 stig eftir 15 umferðir.

Chelsea og Manchester City eigast svo við í stórleik á Stamford Bridge.

Liðin eru jöfn á stigum í 6-10. sæti en Man City á tvo leiki til góða.

Það verður áhugavert að fylgjast með byrjunarliðunum þar sem menn á borð við Sergio Agüero og Hakim Ziyech eru að koma aftur úr meiðslum.

Leikirnir verða sýndir á sportstöð Símans.

Leikir dagsins:
12:00 Burnley - Fulham FRESTAÐ
14:15 Newcastle - Leicester
16:30 Chelsea - Man City