Íslendingalið Al Arabi er komið heldur betur á gott strik í úrvalsdeildinni í Katar.
Lærisveinar Heimis Hallgrímssonar áttu heimaleik í dag gegn Al Khor, sem er í 11. sæti deildarinnar.
Al Arabi, sem var í níunda sæti fyrir leikinn, vann sannfærandi sigur í leiknum. Aron Einar Gunnarsson spilaði 85 mínútur inn á miðsvæðinu í 3-0 sigri.
Al Arabi er núna búið að vinna þrjá leiki í röð og situr núna í sjöunda sæti deildarinnar með 15 stig.
Heimir er aðalþjálfari Al Arabi en með honum í þjálfarateyminu eru Freyr Alexandersson og Bjarki Már Ólafsson.
Athugasemdir