Starf Frank Lampard sem knattspyrnustjóra Chelsea er í mikilli hættu að sögn The Athletic sem þykir mjög áreiðanlegur miðill í Bretlandi.
Chelsea tapaði 3-1 fyrir Manchester City á heimavelli í kvöld og hefur gengið ekki verið gott á þessu tímabili.
Chelsea er í áttunda sæti með 26 stig eftir 17 leiki. Chelsea eyddi um 200 milljónum punda í leikmannakaup síðasta sumar en nýir leikmenn liðsins hafa ekki verið að gera góða hluti. Það veldur áhyggjum að Lampard sé ekki að ná miklu út úr Timo Werner og Kai Havertz, Þjóðverjum sem voru keyptir fyrir samanlagt rúmar 120 milljónir punda.
Samkvæmt The Athletic er stjórn Chelsea farin að skoða aðra möguleika ef Lampard nær ekki að reisa skútuna við á næstunni. Roman Abramovich, eigandi Chelsea, er mjög gjarn á það að reka og ráða knattspyrnustjóra.
Í greininni segir einnig að það sé stirt samband á milli Lampard og einstaklinga í hópnum, sérstaklega þeirra sem hafa ekki verið mikið að byrja leiki fyrir hann.
Lampard, sem var magnaður fyrir Chelsea, tók við sem stjóri félagsins fyrir einu og hálfu ári síðan. Liðið hafnaði í fjórða sæti ensku úrvalsdeildarinnar á síðustu leiktíð undir hans stjórn. Talið er að Mauricio Pochettino hefði verið möguleiki fyrir Chelsea ef félagið tekur ákvörðun um að teka Lampard, en hann er það ekki lengur þar sem hann var að taka við Paris Saint-Germain. Það gæti hjálpað Lampard eitthvað að Pochettino sé ekki á lausu lengur.
🔹 Chelsea hierarchy looking at alternatives to Lampard
— The Athletic UK (@TheAthleticUK) January 3, 2021
🔹 Concerns over struggles of Havertz and Werner
🔹 Tensions between manager and some of squad
After losing to #MCFC, Lampard's position is in jeopardy...#CFC | #CHEMCI | @liam_twomey | @SJohnsonSport
Athugasemdir