Alex McCarthy, markvörður Southampton, verður ekki með gegn Liverpool í ensku úrvalsdeildinni á morgun.
McCarthy greindist nýverið með kórónuveiruna og er hann núna í einangrun.
Enginn annar innan herbúða Southampton er með veiruna og því ætti leikurinn að fara fram á morgun.
McCarthy er aðalmarkvörður Southampton. Varamarkvörðurinn Fraser Forster verður í markinu gegn Englandsmeisturum Liverpool annað kvöld.
Ralph Hasenhuttl, knattspyrnustjóri Southampton, var ekki á hliðarlínunni í 0-0 jafntefli gegn West Ham á dögunum þar sem hann var í sóttkví. Hann mætir aftur á morgun.
Athugasemdir