Jón Dagur Þorsteinsson lék allan leikinn er Aarhus rúllaði yfir Esbjerg í 8-liða úrslitum danska bikarsins í dag.
Mustapha Bundu skoraði tvennu í fyrri hálfleik en heimamenn í Esbjerg náðu að minnka muninn eftir leikhlé.
Bror Blume skoraði svo aðra tvennu fyrir gestina og urðu lokatölur 1-4.
Jón Dagur og félagar eru því komnir í undanúrslit bikarsins.
Esbjerg 1 - 4 Århus
0-1 Mustapha Bundu ('10)
0-2 Mustapha Bundu ('28)
1-2 J. Kauko ('58)
1-3 Bror Blume ('63)
1-4 Bror Blume ('87)
Í Úkraínu byrjaði Árni Vilhjálmsson á vinstri kanti er Kolos Kovalivka heimsótti stórlið Dynamo Kiev.
Heimamenn komust yfir á 40. mínútu og misstu gestirnir mann af velli með rautt spjald skömmu síðar.
Tíu leikmenn Kolos áttu erfitt uppdráttar eftir leikhlé í Kænugarði en þeir spiluðu þó góðan fyrri hálfleik.
Árni spilaði allan leikinn og er Kolos um miðja deild eftir tapið, með 26 stig eftir 21 umferð.
Dynamo Kiev 2 - 0 Kolos Kovalivka
1-0 F. Sol ('40)
2-0 V. Tsygankov ('54)
Rautt spjald: E. Zadoya, Kolos ('45)
Athugasemdir
