Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 03. mars 2020 21:38
Ívan Guðjón Baldursson
Þýski bikarinn: Kimmich skaut Bayern í undanúrslit
Kimmich fagnar sigurmarkinu.
Kimmich fagnar sigurmarkinu.
Mynd: Getty Images
Schalke 0 - 1 Bayern
0-1 Joshua Kimmich ('40)

Joshua Kimmich gerði eina mark leiksins er FC Bayern tryggði sér sæti í undanúrslitum þýska bikarsins í kvöld.

Bayern heimsótti Schalke og úr varð hörkuleikur þar sem heimamenn komust nálægt því að skora en tókst ekki.

Gestirnir frá München voru betri í leiknum en áttu í miklum erfiðleikum með að finna glufur á skipulagðri vörn heimamanna.

Kimmich skoraði með laglegu skoti á 40. mínútu þegar boltinn barst til hans við vítateigslínuna eftir hornspyrnu.

Heimamenn áttu ekkert svar og lokatölur 0-1 fyrir Bayern, sem er annað liðið til að komast í undanúrslitin eftir að D-deildarlið Saarbrücken sló Fortuna Düsseldorf óvænt úr leik fyrr í kvöld.
Athugasemdir
banner
banner
banner